Wie ma`s sieht Wia ma`s sieht. Ih sehg`s ah so und wia ih`s seh song vui, des wär schwarzweiß gsehn. Na und, wenn`s hoid so is. Es hod ah des Farbigste moi Schwarzweiß, es kimmt drauf oh wia ma`s sehgt. Wia ma`s sieht und is die Farb wieder drin und dro und ma mecht gern die Aspekte beleuchten, dann hoaßt`s, des war scho immer so, mia ham des immer scho so gmacht, da gäb`s nichts und überhaupt, so müsst ma des sehn. Wia ma`s sehgt, schwarzweiß sehn muass ma scho beim Entwickeln verstehn, denn zu viel der Farben halten d`Leut nur aus, wenn um des geht wos in-und auswendig kennan. Aber welcher Dichter kennt scho schwarz auf weiß, no besser farbig, olle seine Seiten?
