Und do bin ih dahoam wieder koa Koa Krimi - 28.08.2013

Und do bin ih dahoam wieder koa Koa Krimi
Oiso do steh ih am End ohkemma, de Gschicht is fertig, na jetzt folgt koa Gericht.
Ja is es jetzt a Krimi, oder geht`s um an Urlaub?
Ih dat song, zuerst stell ih mi moi vor, gestatten, baorischer Dichter do in München,
geboren ned weit weg von da Schwantalerstraß, in da Maistraß und München is für mi mehr als nur die Stadt meiner Geburt.
Lebn dua ih ja scho immer vor da Stadt im stinkadn Münchner Norden... in Obeschleißheim
...und do bin ih dahoam...
Der Münchner Norden gäb an wunderbaren Kulissenhintergrund für an pfundigen Krimi.
Titel "Der Bürgermeister der sich am Norden vergriff
und sein Städtlein feinstaub, ja fein aus dem Staub machte"
Ja den Krimi kennan de Nordler scho, bis in de siebziger Jahre waren die Straßen dicht,
weil d`Autobahn ned gschlossen ward und der Verkehr sich staute
bis zur Stuttgarter Autobahn und jetzt der selbe Terror,
weil München den Südring zu Lasten der Nordler nicht möcht und jetzt ham ma wieder den Gedanken an Urlaub.
Ih war in Landshut, Hauptstadt Niederbayerns, do bin ih häufiger als in München.
Die Cafe`s in Landshut und wia`s so is, hod ma dort sei Stammcafe und wos duat da Wirt, erzählt ma von den Machenschaften der Stadt Landshut,
wia`s de Wirte tratzt und trietzt.
Man bedenke, die Stadt hat den Preis für die Außenbestuhlung verdoppelt
und des muass ma im Januar zahln,
dem Wirt sei Krimi sand die Kosten de eahm z`schaffa machan.
Urlaub is scho sche, kost aber vui Geld,
wenn ma dahoam bleibt und a Sauwetter is, so is a Horrorgschicht leichter gschriem.
Wie sche dass ih in Bayern dahoam bin.
Sand Sie in Bayern dahoam und kennan`S zum Dahoam Heimat song?
Ih dat zum Beispiel ned Volksmusik, sondern Heimatmusik song,
denn die Musik des Volkes, wos soi ih song, is eher Rock und Pop, bestenfalls B eins oder, weil do san ma dahoam.
Die Volksmusik is doch nur no a Nischnmusi, nett für de Liebhaber,
Liebhaber aber sand meist Träumer.
Im Urlaub werd des gmacht wos ma sonst ned so macht, weit weit Radlfahrn, ja und ih vom Münchner Norden nach Ismaning,
von Oberschleißheim aus an d`Isar und an da Isar entlang nach Freising.
Von do aus nach Hetzenhausen, Giggenhausen, Fahrenzhausen, Haimhausen,
Unterschleißheimer See, siebzig Kilometer bis ma wieder in Oberschleißheim is,
des war für den ungeübten "Nur zum See-Radler" eine Herausforderung.
Am See ko ma Sachan dalebn, do sand ah oft Wuide unterwegs, um ned zu song Kriminelle.
Am Michi ham`s neulich von seim oidn Golf de Scheibnwischer klaut,
und ois er sich bei seiner Werkstatt neue kafft hod,
hod eahm da Krusche, so hoaßt da Werkstattmoasta, gsogt, ja do is no vui mehr klaut worn, Antennen und und und...
D`Polizei sogt, ja do kennan mia nix macha, s`Landratsamt sogt ah ja mei,
ja mei do ham ma`s wieder, die Münchner de meng uns ned, ned so sehr wia`s und liab ham soitn.
Mia ham alle Negativeinrichtungen Münchens und da Kopf im Süden grinst.
Aber wart`s nur ab, wenn`s dem Allerwertesten wehtut,
dann kommt irgendwann ah des Kopfweh,
dann fragt sich München und der Süden mim Kopf in der Höh, und wer war der Täter?
Und ma muass song, es war der, der nicht, Gott sei Dank nicht Ministerpräsident wurde
und auch nicht mehr Bürgermeister sei werd, aber wohnen duat er im Münchner Norden,
wenn ah nur in Schwabing.
Aber immerhin, Schwabing is uns nach Schleißheim scho näher.
Unser Bürgermeister hod a moi vor Jahrzehnten a Bombn aus`m zweiten Weltkrieg
über de damals im Bau befindliche Autobahn
auf `s Münchner Stadtgebiet trong, mia wissn wia ma Bombn loswerd, er hod`s überlebt, lang is her
und do bin ih dahoam.

3582/7500

Und do bin ih dahoam wieder koa Koa Krimi Oiso do steh ih am End ohkemma, de Gschicht is fertig, na jetzt folgt koa Gericht. Ja is es jetzt a Krimi, oder geht`s um an Urlaub? Ih dat song, zuerst stell ih mi moi vor, gestatten, baorischer Dichter do in München, geboren ned weit weg von da Schwantalerstraß, in da Maistraß und München is für mi mehr als nur die Stadt meiner Geburt. Lebn dua ih ja scho immer vor da Stadt im stinkadn Münchner Norden... in Obeschleißheim ...und do bin ih dahoam... Der Münchner Norden gäb an wunderbaren Kulissenhintergrund für an pfundigen Krimi. Titel "Der Bürgermeister der sich am Norden vergriff und sein Städtlein feinstaub, ja fein aus dem Staub machte" Ja den Krimi kennan de Nordler scho, bis in de siebziger Jahre waren die Straßen dicht, weil d`Autobahn ned gschlossen ward und der Verkehr sich staute bis zur Stuttgarter Autobahn und jetzt der selbe Terror, weil München den Südring zu Lasten der Nordler nicht möcht und jetzt ham ma wieder den Gedanken an Urlaub. Ih war in Landshut, Hauptstadt Niederbayerns, do bin ih häufiger als in München. Die Cafe`s in Landshut und wia`s so is, hod ma dort sei Stammcafe und wos duat da Wirt, erzählt ma von den Machenschaften der Stadt Landshut, wia`s de Wirte tratzt und trietzt. Man bedenke, die Stadt hat den Preis für die Außenbestuhlung verdoppelt und des muass ma im Januar zahln, dem Wirt sei Krimi sand die Kosten de eahm z`schaffa machan. Urlaub is scho sche, kost aber vui Geld, wenn ma dahoam bleibt und a Sauwetter is, so is a Horrorgschicht leichter gschriem. Wie sche dass ih in Bayern dahoam bin. Sand Sie in Bayern dahoam und kennan`S zum Dahoam Heimat song? Ih dat zum Beispiel ned Volksmusik, sondern Heimatmusik song, denn die Musik des Volkes, wos soi ih song, is eher Rock und Pop, bestenfalls B eins oder, weil do san ma dahoam. Die Volksmusik is doch nur no a Nischnmusi, nett für de Liebhaber, Liebhaber aber sand meist Träumer. Im Urlaub werd des gmacht wos ma sonst ned so macht, weit weit Radlfahrn, ja und ih vom Münchner Norden nach Ismaning, von Oberschleißheim aus an d`Isar und an da Isar entlang nach Freising. Von do aus nach Hetzenhausen, Giggenhausen, Fahrenzhausen, Haimhausen, Unterschleißheimer See, siebzig Kilometer bis ma wieder in Oberschleißheim is, des war für den ungeübten "Nur zum See-Radler" eine Herausforderung. Am See ko ma Sachan dalebn, do sand ah oft Wuide unterwegs, um ned zu song Kriminelle. Am Michi ham`s neulich von seim oidn Golf de Scheibnwischer klaut, und ois er sich bei seiner Werkstatt neue kafft hod, hod eahm da Krusche, so hoaßt da Werkstattmoasta, gsogt, ja do is no vui mehr klaut worn, Antennen und und und... D`Polizei sogt, ja do kennan mia nix macha, s`Landratsamt sogt ah ja mei, ja mei do ham ma`s wieder, die Münchner de meng uns ned, ned so sehr wia`s und liab ham soitn. Mia ham alle Negativeinrichtungen Münchens und da Kopf im Süden grinst. Aber wart`s nur ab, wenn`s dem Allerwertesten wehtut, dann kommt irgendwann ah des Kopfweh, dann fragt sich München und der Süden mim Kopf in der Höh, und wer war der Täter? Und ma muass song, es war der, der nicht, Gott sei Dank nicht Ministerpräsident wurde und auch nicht mehr Bürgermeister sei werd, aber wohnen duat er im Münchner Norden, wenn ah nur in Schwabing. Aber immerhin, Schwabing is uns nach Schleißheim scho näher. Unser Bürgermeister hod a moi vor Jahrzehnten a Bombn aus`m zweiten Weltkrieg über de damals im Bau befindliche Autobahn auf `s Münchner Stadtgebiet trong, mia wissn wia ma Bombn loswerd, er hod`s überlebt, lang is her und do bin ih dahoam.

0/500