Katzenliebe Ko ma an Tierarzt überhaupt Tierarzt nenna? Wia hört sich des denn oh? Unsere Katzen sand doch koane Viecha, des sand doch ned nur Katzen und do reden`S moi mit jemand der sein Hund über alles liebt. Tierarzt, irgendwie hod des wos Diskriminierendes, mia song nur, mia gehn zum Doktor mit eahm. Er sogt immer, sog doch Humanmediziner. Sie do verstehn mia koan Spaß, mia ham sogar an Homöopathen, do derf ma ned sparn, lieber sparn mia bei uns, weil unsere Lieben soll`s doch besser gehn als uns. Sie kanntn sich ja nur wünschen, bei uns a Katz z`sei. Oiso Tierarzt hört sich so abwertend oh. Des kennan`S jetzt ned verstehn? Ah ja, de Leut de koane wahren Freunde ham, de wissen doch gar nix von der Liebe, de mia ham. So a Katz is doch dankbar, wo a Mensch scho lang vergesslich is. Überhaupt, Menschen enttäuschen doch immer, oiso mi hod a Katz oder a Hund no nia enttäuscht. Und mia solln vom Affen abstamma? Ih behaupt ja eher von an Menschen, weil mia nia so Tier sei kanntn…, ja z. B. wia mei Katz.
