Nix is gar nia Nix is gar nia und gar nia is nix, wia`s gar nia nix gibt. Gibt`s des Nix nur im Wunsch. Wenn nur moi nix wär. Aber wenn sich nur des Nix irgendwia andeuten dat, werd scho wieda wos do und wieda is nix mit nix do. Nix is gar nia. Nia dat ma nix meng, do müsst ma scho tot am Rückn liegn, Nix da, selbst dann is nix da mit nix. Des war`s selbst dann no ned, dann geht`s erst recht auf. Im Himmel wia in da Hölle is ah nia nix. Des Guade wia des Schlimme is, des dauert dann ewig und des ohne unsern Zeitbegriff. Nix is halt gar nia.
