A Bayer bin ih Ih bin a Bayer und je weiter weg von dahoam, umso bewußter bin ih a Bayer. Vonwegen a Europäer, da müsst ih scho bis China oder Amerika kemma und dort weit weit weg dat ih song, ih bin a Bayer. Und wer ned woaß wo des is, dem dat ih song ...FC Bayern, an FC Bayern kennt fast jeder. Na guad und wenn ned, nacha dat ih song, ih kimm aus Deutschland, des is dann scho über mi nausdenkt, wenn ma des Deutschland ned kennt, dann kamat zuletzt Europa. A Bayer bi ih, des ko ih hoibwegs dagreifa, aber Europa is für mi ned des wos ih als mei Dahoam begreif, ih leb numoi ned sonstwo, ih leb in Münchens Landkreis. Stimmt, ih muass mi nomoi korrigiern, ih bin Oberschleißheimer und dann Münchner, danach mach ih mit Oberbayern weiter, obwohl ih Landshuter Niederbayernliebhaber bin. Ih bin a Bayer und mir werd Deutschland immer fremder. Warum machan mia Bayern ned wirklich auf Freistaat, ih als Bayer wär glei dabei.
