Alloa mit sich eins oans Alloa mit Dir muasst da oans sei. Wos huift`s da, wennst mit olle oans bist, aber in dir selber bist entzwei? Zwoa in dir, des geht doch ned. Alloa wennst bist, dann kimmst da doch schlecht vor, wennst zwoa bist, wo du doch oans sei soitst. Alloa mit sich oans, oans muasst sei, je mehr`s dich zum Konsens zwingan. Olle soin oans sei, oans obwohl`s ned unterschiedlicher sei kanntn. Lass ma de große Welt auf da Seitn, de werd sich nur seltn oans sei und wenn, dann zumeist nur gegen solche de sich oans sand. Aber in uns, wia vui Oanssei gibt`s do so richtig, so echt, so zum Aushoitn, weil`s dahoit? Alloa unter sich selber gsogt, des dauert bis ma sich oans is, vor allem dann, wenn ma wia ma früher moi gsogt hod Everybodys Darling sei mecht. Es ergebn hoid immer no zwoa Hoibe a ganze…
