In Häfn Es gibt einen Heaven auf den ich hoffe. In Österreich muass ma des mit der Hoffnung a bisserl genauer beschreiben. Sogt ma in Österreich, ih muass in Häfn oder ih war in Häfn, dann moant da Österreicher koane himmlischen Regionen. Do sogt ma nacha eher, wos host ohgstellt? Umanonst kimmt ma ned in Häfn. Es kannt ja ah da Hafen sei, oiso in den Hafen, wennst do einlafst, dann legst a bisserl oh und die wirklich groben Typen bleim dann ah zurecht in Häfn. Ja dieser Häfn, es soll ja ah solche geben die doch tatsächlich in Häfn zum wahren himmlischen Hafen gfunden ham. De sand dann quasi vom läuternden Häfn in himmlische Hoffnung gwechselt. Hör ih heut in Österreich in Häfn, dann is mir klar, der war hinter schwedischen Gardinen. Immer diese Wortklauberei, bei uns hoaßt des im Knast, im Bau, im Kittchen und des mit Häfn hört sich richtig niedlich oh. Hoid da österreichische Schmäh.
