Glauben soi ma Ja mei, song`s, wer glabt denn heut no und damit moanan`s sowos wia christlich, so kirchlich oder wia hoid ah immer. Aber so song`s, ma muass doch an wos glam. Aber wehe du kommst dene, und ih moan genau de, mit ja ih glab an Jesus und dass er für mi und mei Schuld am Kreuz gstorbn is und am dritten Tag auferstandn is, genau an den Jesus der ah wiederkommt und dann das Ende. Kaum gsogt geht`s los, ja wer glabt denn des no? Des sogt ma doch nur in da Kirch so, da Pfarrer oder da Pastor, de song des. Aber von de Toten is no koana zruck kemma. Glacht werd und du glabst des? Und am End kimmst ah no mit da Bibel daher. Ja tatsächlich, ih glab des ois und des bestimmt ah mei Leben. Bei welcher Sekte bist denn du dabei, werd ih ollweil gfrogt. Nirgends und ob des glabst oder ned, unsere Vorfahrn, sehr gscheide Leut, ham des ah glabt und zum Guadn de Gsellschaft verändert. Ja ko ma des glam? Ja glam soi ma.
