Mehr Kindergeld Ih mog ned mehr Kindergeld, ah wenn ih`s bitter nötig hätt. Liaba is`s ma, wenn de Preise stabil bleim und ned künstlich nach oben gschraubt wern. Sollen sich der Kanzler und die seinen das Kindergeld sonstwo hinstecka. Wenn ih für de paar Nutschaln des Dreifache draufzoin derf. Ih mog ned mehr Kindergeld, ih mog ned als der dostehn, der ja so vom Staat gefördert werd und durch d`Hintertür umglegt werd. Des ewige Aufspoitn zwischen dene de ham und dene de ned ham is ned guad. Heut redn scho de Kinderlosen, dass mir mei Kindergeld zoin. Ih mog`s gar ned, wenn`s mi dreimoi soviel kost. Mehr Kindergeld hod koan Sinn, weil`s ned ehrlich geben is. Wos ma gibt, nimmt ma ah wieda und am meisten nimmt ma`s von de Familien, ah damit ma sich`s kaum no leisten ko.
