Warum schaut ma`s de Leut oh? - 17.02.2009

Warum schaut mas de Leut oh? Ma schauts de Leut oh. Warum schaut mas eahna oh? Do schau hi, ma schauts de Leut oh, ih hobs glei gsogt, sieghst as, ih hobs eahna ohgschaut. So schauts aus, Leut sand wia Bilderbiache, sie zoangs oan. Ma schauts eahna oh, wias ohzong sand, wias sich bewegn. Do brauchans ned moi wos song, es steht ah irgendwia im Gsicht, des ko ma schwer erklärn, aber ma täuscht sich seltn. Ma schauts de Leut oh und da mia ah Leut sand, schaut mas uns doch ah oh. Do schaust di oh, wennst nacha doch ned der bist, für dens di ohgschaut ham.