Boarisch werben Wenn s`Boarische zum Werbegag werd, dann werd`s wunderlich. Do schreim Leut de nur da Schrift nach sich dahin tschüssen Texte, wo`s oam mit ah nur a bisserl Gfui boarischer Sprach ois aufstellt. Lasst`s as hoid und redt`s in da Hochsprach, do müasst`s euch ned verstelln oder Worte importiern, de ihr eh sonst nia im Mund führn dats. Boarisch is scho werbetauglich und es dat ah moi in am ganzn Spruch geh, mia vertrong doch ah komplette englische oder denglische Sätze ohne zu überlegn, wos ma uns woi song woit. „Ah so a Bier soi ih trinka, ah ha, ohne Werbung hätt ih gwiss a Hoibe weniger trunka.“ Danke, ihr Hoibbayern, wenn ned ganz Preißn, ih woaß scho wos boarisch is, ned moi in Bayern is boarisch a Weltsprach mehr, traurig, traurig.
