Buddh’vārahanta-varatādiguṇābhiyutto Suddhābhiñāṇa-karuṇāhi samāgatatto Bodhesi yo sujanataṁ kamalaṁ va sūro Vandām’ahaṁ tam-araṇaṁ sirasā jinendaṁ Buddho yo sabba-pāṇīnaṁ saraṇaṁ khemam-uttamaṁ Paṭhamānussatiṭṭhānaṁ vandāmi taṁ siren’ahaṁ Buddhassāh’asmi dāso/dāsī va buddho me sāmi-kissaro Buddho dukkhassa ghātā ca vidhātā ca hitassa me Buddhass’āhaṁ niyyādemi sarīrañ-jīvitañ-cidaṁ Vandanto’haṁ/Vandantī’haṁ carissāmi buddhass’eva subodhitaṁ Natthi me saraṇaṁ aññaṁ buddho me saraṇaṁ varaṁ Etena sacca-vajjena vaḍḍheyyaṁ satthu-sāsane Buddhaṁ me vandamānena/vandamānāya yaṁ puññaṁ pasutaṁ idha Sabbepi antarāyā me māhesuṁ tassa tejasā Kāyena vācāya va cetasā vā Buddhe kukammaṁ pakataṁ mayā yaṁ Buddho paṭiggaṇhātu accayantaṁ Kālantare saṁvarituṁ va buddhe
