Der sieben-Weißbier-Österreicher - 04.02.2026

Der sieben-Weißbier-Österreicher Ih war in den achtziger Jahren in am Münchner Fitnessstudio in da Landwehrstraß beim Aschober, des war echt a gscheide Muckibude. Ned groß, aber echt kernig, fast scho gmüatlich. Ja in de achtziger Jahre war des sowos von ohgsogt und beim Aschober host Leut gsehn und erlebt, echte Promis und so manchen Möchtegern. Es gibt so paar Leute de ih ned vergessn hob, klar da Tom, mei Spezi vom Tanzen bei Richters und vom Furtgehn, besser gsagt Furtfahrn. Ja da wärn noch so vui und moi hod da Freddie Mercury neben mir Latzong, da Ralf Möller hod rumgfeixt, na ja und no so vui andere. Aber ih hob no oan kennt und der war einfach der Hammer. Ein riesen Mo, so an die meterneunzig bestimmt, der hod immer sieben Sätze Bankdruckn gmacht, a sympathischer Österreicher der bei Siemens a Programierer war. Der hod nach jedem Satz Bankdruckn so auf ex a Hoibe Weißbier trunkn, wia gsogt sieben Sätze und war danach noch sowos von klar, irgendwia ned bsoffen. Ja dann is er ah no in d`Arbeit gfahrn, gfahrn wohlgemerkt. Mei wos hob ih ois erlebt beim Aschober, aber der Österreicher war scho ganz bsonders.