喂 隔離嗰個 咪喊啦 啱啱出世就係聽你喺度狗叫 你估呢度你屋企啊 望咩嘢望 未見過人著Pampers啊 望咩嘢望 未見過大家姐包屎片 我手仔嗰個蝴蝶結 係我嘅堂口標籤 你睇你 喊到成面鼻涕 成個衰樣 支針都未拮落嚟 就已經想搵親生阿娘 育嬰室講實力 唔係溝奶粉 我啱啱出世已經識得用眼神殺人 你嗰對大眼仔 絲絲縮縮 係咪警方臥底 再喊嘅話 大家姐哩鋪都無曬計 叫聲大家姐 大家姐係你嘅曙光 下個月俾大家姐五粒Gerber星星餅乾 若然唔俾 將會一腳踢你落張BB床 你要知道 育嬰室唔輪到你倡狂 護士行緊埋嚟，手上攞住支大嘢 對我哩個BB女嚟講 不過係一份宵夜 唔係好痛 仲識同你講笑 拮到你度 嚇到V哇鬼叫 哩一針係我哋BB仔嘅江湖洗禮 以後跟我搵食 育嬰室自然就有地位 大家姐個名 做細嘅你其實唔洗記 係哩間房裏面 大家姐講嘅就係道理 叫聲大家姐 大家姐係你嘅曙光 下個月俾大家姐五粒Gerber星星餅乾 若然唔俾 將會一腳踢你落張BB床 你要知道 育嬰室唔輪到你倡狂 你媽咪袋入面仲有幾支 香蕉 藍莓 同埋芝士 等陣記得話俾媽咪知 大家姐最鐘意飲嘅係Abbott 惠氏 叫聲大家姐 我先至係最高女皇 唔止係餅乾仲要你袋仔入面所有啲糖 唔俾嘅話 準備係地板訓到聽朝天光 你做細嘅 響朵記得大家姐係ones on 如果聽日見唔到Gerber 我就會對住你……嘔奶
0/500