Moja Iza fajno frelka Gryfno zgrabno jak modelka Łona humor zawsze mo Ćwiortka wieku już mi pszo. W chałpie wszysko łogarniynte Łobiod fertich, łokna błyszczom Pranie wonio — choby łonka Jo mom farta — mieć tako żonka. Izabela, Izabela ….tyś mi gwiozdka i Aniela. Jak sie śmiejesz - chandra zniko. Serce gro ,jak muza dziko Kej żeś przimie jest sam blisko. To wiym. — Mom już wszystko . Moja Iza — cud kobitka Co mo łoczy jak pyrliczka Taśka, jakla , piyrwszo klasa W szranku klajdów cało masa. Wszyndzie musi być na czas Jo nie musza ja ponaglać. Czasym ino powiy — Czekeeej !! „Zrobia se tyncza na naglach!” Izabela, Izabela ….tyś mi gwiozdka i Aniela. Jak sie smucisz — to jo tyż Dobrze ło tym dziołcha wiysz Kej żeś przimie jest sam blisko. To wiym. — Mom już wszystko . Na urlopik z Izkom śmigom Słuńce piere, dychu niy mom Poć na nudle, poć na plaża Jo jak Reksio za niom łaża A wieczorym zachód słuńca Na tarasie kołocz ,kawka, Przytulyni tak bez kuńca. A łona : ”Choć idymy kajś na ławka!” Jak bych hajtnąć sie mioł zaś Ino z tobom dziubku mój Bo tyś jak Princelina, a jo Xperek twój. Trochach ciuloł w tyj piosynce ,bo wiym ….Że łona bydzie suchać to.”
