Vielleicht is gar nichts Vielleicht is gar nichts und wos is gar nichts? Vielleicht… Genau, des is es, wenn ma mit voller Überzeugung vielleicht sogt, wenn ma no nachlegt, vielleicht, schau ma moi, dann is des gelinde gsogt gar nichts. Und wos ham mia doch für Experten, de sich sowos von sowos im Vielleicht auskenna, im Vielleicht macht unseren Experten so schnell koana wos vor und nur vielleicht sand`s manchmoi sprachlos. Aber wo kennan`s sich heute nicht aus? Überall, es gibt keine Vielleicht-Lücken mehr, ein „Des wiss ma ned“ ko ma sich doch heute gar nicht mehr leisten. Vielleicht scho, aber des sand dann de, de sich des Vielleicht ah erst moi leisten müssen können. Vielleicht is gar nichts, ganz und gar nichts, so viel Garnichts, dass vielleicht jetzt gleich der Einwand kommt, „Mit Ihnen kann man über dieses Thema gar nicht reden, weil…“ Ja ja, vielleicht kommt ma schlimmstenfalls no aus einer bildungsfernen Schicht.
