So a Tag So a Tag und jeder Tag roast dahin. Mancher sogt, so a Tag sollt vergehn. So a Tag vergeht. Sche dass so a Tag no geht und vergehn duat ah wia a jeder andere Tag. Koa Stund ko ma festhoitn. Vui Zeit hod ma am Tag no, wenn er ohgeht und nacha vergeht er Stund um Stund. Guad so sagt der Geplagte, der Freudige dat no gern Stundn drohänga, aber der Tag vergeht. Gnadenlos, der Tag laft ab, ob ma mog oder ned, die Herren der Zeit sand ma ned. Dieser Tag mecht kemma, da Tag und Stund wia a Vorhang zur Seitn zong wern, dann zoagt sich die Ewigkeit. So a Tag und dann ohne Stund, ohne Morgen und Gestern.
