A Buidl macha Ma macht sich a Buidl von wos, a Buidl macha und ma macht sich des Buidl mit de Einstellungen de ma hod. Des Buidl mach ih ma von dem und dem und wos dann de Sach is, ja do schau her. Ma hod sei Buidl davo. Ih mach ma ständig meine Buidln und ih wend de Einstellungen hin und her und bin do bis auf mein Ausgangspunkt gar ned so fixiert. Wos hod ma wohl für a Buidl von mir? Wirklich oans des meiner Einstellung entspricht? Ja do setz ih moi a Fragezeichen dahinter. Warum? Darum weil ih scho oft dalebt hob, dass manches Vorurteil des Buidl bestimmt und des hod seltenst mit dem Abbuidltn z`doa. Machan`S eahna Buidl, ih hoit mi stad dazua.
