Nur no gscheid D`Leut sand nur no gscheid, oana gscheida als da andere. Koana is mehr kloa, nur no Heldn sand unterwegs. D`Leut sand sich so korrekt de Nächstn, olle liebn sich wia verrückt. Nur no gscheid und wenn`s no so bled kimmt und depperta nimmer geht. Es gibt gwiss an superreichn Experten der no a Meinung hod, de ned an Gscheidheit z`überbietn is. D`Leut gfoin sich selbst am bestn, sie sand olle so gscheid. Ja wem kost heut no wos song, wen heut no empfindlich macha? Nur no Gscheide lafan umananda und wia`s scho redn, so supergscheid, dass so an Durchschnittlichn, so an Unsupergscheidn wia mi, gar nimmer moana. Wer moant ah no so an Menschen wia di und mi? De Gscheidn moana doch ollweil nur sich und ihresgleichen. Nur no gscheid is in da Öffentlichkeit.
