Warm wern Warm wern wo wos ned is wos ma braucht um warm damit z`wern? Wia geht des mi`m Warmwern, wenns wo koid zuageht, wos doch eigentlich ums Warmwern geht? Scho ah paar wohlwollende Worte übers Grüaß de und Pfirt de hinaus erzeugen den Auftauungsvorgang. So is des, warm wern ko ma nur mit dene, de ah a Wärme zualassn. Do setzt ma sich hin und denkt noch, wos hod ma do ois erlebt, do is scho hoaß zuaganga und doch kimmt ma sich vor als wär ma no nia do gwesn und des samt der vertrauten An-und Ausblicke. Es is wos wos fehlt, mit dem wenns do is ma in da letztn Boatzn no a Wärme empfindn ko. Des laft no hinterm nacktn Anstand und kimmt no guad hinter der formellen Höflichkeit, lasst sich aber ned mit am Wort wiedergebn. Warm werds, des ko ma wiedergebn, eben nur dann, wenns oam warm ums Herz is und mas gar ned dawartn ko do z`sei. Es war scho tatsächlich saukoid und trotzdem war des do wo ma jede Kältn wegsteckt. So richtig warm do, des is scho lang her, do hams no gmoant, Wärme ko ma dekoriern, aber na, des Warmwern spuit sich woanders ab. Ob ma fast jedn Tag do is oder eher seltn, de Stimmung hängt eher an dene de do sand, obs oam koid kemman oder warm. Ah koide Veranstaltung war so mancher Gedankenspaziergang wenn ma dro denkt, wia vui warme Gedanken do scho zwischen am Grüaß Gott und am Servus aufs Papier kemma sand.
