Hint höher ois vorn Jetzt werd´s hint höher ois vorn, des sogt ma so wenn sich de Maße umkehrn und wo ma heut hinhört, wenn ma über`s Bla Bla nauskimmt, dann werd`s klar, so ko`s ned weitergehn, d`Leut fühln sich vera... Des song ma ned und wissn duat`s fast jeder. Von früh bis spät führt ma uns an da Nasn rum, ma verdraht uns de Wirklichkeit und dafür müass ma unwirklich vui zahln. Es werd hint höher ois vorn, unglaublich wos mia ois als Nachrichtn der Welt vorgsetzt kriang. Vonwegen bei uns sehn Sie besser, blind soin`S gmacht wern, staatliche Indoktrination mit Zwangsabgaben finanziert. Ja de Leut spürn`s scho, sie sand zwar hart hertrainiert, jeder Lüge ein Ja und Amen hintendran z`setzn, aber abseits do wo sie noch sie sei kennan, noch, do kimmt`s raus und do grollt`s ned selten. Jetzt werd`s hinten höher ois vorn und do ko ma leicht auf `s Maul foin oder oane auf `d Klappn kriang. Ih bin scho stad...
