Kennet dir das Gschichtli scho Vo dem arme Eskimo Wo in Grönland einisch so Truurig isch um ds Läbe cho Er het dank em Radio Fröid ar Musig übercho Und het tänkt das chan i o So isch er i ds Unglück cho Nämiech är het sech für zwo Fläsche Läbertran es no Guet erhaltnigs Tschembalo Gchouft und hets i d'Höhli gno Doch won är fortissimo Gspilt het uf sym Tschembalo Isch en Ysbär ynecho Het ne zwüsche d'Chralle gno Kunscht isch geng es Risiko So isch är um ds Läbe cho Und dir gseht d'Moral dervo Choufet nie es Tschembalo Süsch geits euch grad äbeso Wie däm arme Eskimo Wo in Grönland einisch so Truurig isch um ds Läbe cho
