Anders kemma Es is anders kemma, hob ma nia dacht, dass moi so kimmt. Wos woaß ma scho? Es is anders kemma und de Experten ham sich ned nur geirrt, sie ham nia a Ahnung ghabt. Es is wia`s is und es is anders kemma. Wos ma ah denkt und dacht hod, es is ganz ganz anders kemma. Und wia`s kemma is, hod ma doch irgendwia dawart und doch dacht, wenn des so kemma dat... Ois Andere hätt ma sich liaba dacht. Es is anders kemma. Aber Gott sei Dank kimmt`s so wia`s Gott sei Dank kemma musst. Es is anders kemma ois olle ohne Gott dacht ham. So is, wia`s ah kimmt, es kimmt so mit und ohne und grod trotz und wegen uns.
