Hoibzeit De hoibe Zeit wenn um is redt ma von da Hoibzeit. Wenn`s im Lebn a Hoibzeit gibt, dann kannt ih de grod dalebn. Ih hoff doch, dass ih no ned vor`m End steh und wenn`s so wär, nacha wär`s gefühlt grod de Hoibzeit. In vui Dingen is moi a Umbruch dro und wenn ma zruckschaut stellt ma fest, nüchtern gsprocha wenn ma normal rechnet is ma schneller ois ma denkt in seiner ganz persönlichen Hoibzeit. De hoibate Zeit is um, ob moi vom Urlaub, ob moi von da Zeit mit de Kinder dahoam, ah moi von da Leistung her gedacht und do wär dann no de zwoate Hoibzeit und der Ausgang, des sogt uns dann wia ma in da ersten Hoibzeit vorglegt ham.
