L A mei Lieblingsstod Fast olle zwoa Wocha bin ih do, München siehgt mi de letztn Jahr sowos von selten und wenn dann nur am nördlichen Stadtrand. LA gfoit ma, do fühl ih mi wohl. In am Cafe hör ih Bayerisch in jedem Eck, de Verkäuferinna song no so oft "Wos derf`s sei, ko ma eahna helfa?" Mir is nimmer z`helfa, wenn ih durch gleichförmige Städte streif und sich oans wia s`andere ohschaut und ohhört. Ih mog mi dahoam im Dahoam fühln. L A is mei boarischer Geheimtipp, nur mog ihs ned, wenns olle in mein Stammcafe Belstner sitzen und mir mein Stammplatz stibitzen. Na ih hob mei Platzerl grad do in L A, in da niederbayerischen Hauptstadt, in ders so vui nette Eckerl gibt, dass ih immer wieder staune und drüber mir München ah Stückerl weiter nach hintn ruscht.
