Treasures Of The Tuatha Dé Danann 4.5 Vers

[Verse 1] Tuath Dé Danand na set soim. Cáit a fuaradar foglaim? Do rangadar suigecht slán A n-druigecht, a n-diabaldán. [Chorus 1] Iardanel Find, faith co feib, Mac Nemid, mac Agnomain, D’ar mac baeth Beothach bertach, Ba loech leothach, lánfhertach. Clanna Beothaich — beoda a m-blad — Rangadar sluag niath nertmar, Iar snim is iar toirrsi truim, Lín a loingsi co Lochluinn. [Verse 2] Ceithri cathracha — clu cert — Gabsad a rém co rónert. Do chuirdis comlann co cas Is d’foglaim a fireolas. [Chorus 2] Fáilias ocus Goirias glan, Findias, Muirias na morgal, Ó maitea madmann amach, Anmanna na n-ardchathrach. Morfis ocus Erus ard, Uscias is Semiath sirgarg, Ré n-garmand — luag a leasa — Anmann suad a s-sarfeasa. [Verse 3] Morfis fili a Fáilias féin, Esrus a Goirias, germen, Semiath a Muirias, dind dias, Uscias fili find Findias. [Chorus 3] Ceithri h-aisceda leo anall, D’uaislib Tuatha Dé Danand: Claideb, cloch, coiri cumal, Sleag rí h-aidid ardcurad. Lia Fáil a Fáilias anall, Géssed fo rígaib Érend. Claideb láma Loga luidh A Goirias — roga rocruid. [Verse 4] A Findias tar fairrgi i fad Tucad sleag nemneach Nuadat. A Muirias, main adbol oll, Coiri in Dagda na n-ardglond. [Final Chorus] Rí Nime, Rí na fér fand, Ro-m-aince, Ríg na rigrand, Fear cá fuil fulang na fuath, Ocus cumang na caemtuath.