Kin suut tin wotoch, kin t’aaniko’ob amo’ob ku taalo’ob tin wiknal je’ex k’a’asajilo’obe’. ku xíimbaltiko’ob in k’abo’ob yéetele’ ku je’elelo’ob ti’ ik’t’aanil a’alan tumen chiich. In t’aane’ ku ya’axbejsikubáaj ti’ wóolkaabil. Kin paktik pak’o’ob, ku táats’ máansiko’ob in ch’e’ench’ekili’ yéetele’ kin tukul t óolal yáanal ti’ le chan bo’oyila’. Sajbe’ensilen ti’ le paakatilo’ob ku na’aklo’ob te’ tsurun ka’an ch’enebilo’obo’. Tumen le ch’o múunyalo’obo’ layli’ ya’axtaklu’umo’obe’ yéetele’ layli’ u ka’an-lu’umil suuk ak pe’echa’atik xano’. Ka’alikil túune’, chéen yaan k’iine’ ku lúubul áak’ab je’ebix u ak’alja’i ti’ máank’iinalo’ob táan u bulko’ob u saatlilo’ob in wíinklile’. Kin suut tin wóol yéetele’ kin wilik k’aan áamo’ob ti’ u jóonbejil u xma’juumi’ in k’aabo’ob, ku jéenantkuba’ob tu asab ka’anli’ ti’ u jo’oti’its’ in mooyilo’ob. U nooli’ ti’u seen nooli’ úuch ka’ache’, ku jo’ojo’oktikten u yaj óolil paakatilo’ob bey wa mix ba’al ku yúuchle’ yéetele’ ku ka’ajets’kunsik u asab na’ani’ súutukilo’ob ich u jo’ojo’olilo’ob oot’el tu’ux ka’aja’anen tu yéetel bejla’e’. Senkech náachil ti’ le k’áana’, kin wajal ich u mina’anxuul wayak’o’ob ti’ chiich ku jach ji’iji’it’ik u ch’i’ibalilo’ob k’aan amo’ob ti’ ak ka’an lu’um lu’um ka’an.
