Koa Gsichtsbuch Mi findt ma ned im Gsichtsbiachal und ah sonst in koam Chat wia mas nennt. Ih mog`s am liabstn face to face. Do schaust mi oh, ih schau di oh und wenn scho, muass ma mir an Briaf schreim. Ih hätt de Zeit ned dafür gwollt, Freunde z`ham de mi koa bisserl kennan und de de mi kennan, werns sich überlegn obs mir Freund sei woin. Selbst mei Homepage, des kloane weltweite Fenster, hod an Hänger im Fensterladen seit a paar Jahr, hoib so wuid. Mi ko ma mit na verkürzten Sprach ned zum Reden locken, ih brauch Zeit und Seitn, ih brauch selbst zum Kommuniziern auf Papier an oidherbrochtn Füller, der selber is scho a Teil der literarischen Kommunikation.
