Oa Schluck Oa Schluck und leer is so a Tass. Des wär`s ja ned, aber sogt ma zu na solchan Tass Haferl, nacha muass ma schlucka. Oa Schluck, des ko koa Haferl sei, bei an Haferl muass mehr nei geh, so vui mehr, dass ma scho mindestens zwoa, wenn ned drei Tassn rausbringt. Oa Schluck und des schwindlinge Tasserl als Haferl ausgebn, des schaut aus ois mechat`s song, ih ko nix dafür, dass mi ois Haferl verkafan. Schluck obe und zoin wia für a richtigs Haferl.
