Kloane Ärgernisse Mei ma muass sich an de kloana Sachan freun kenna. Freun Sie sich no an de kloana Sachan de doch des Leben ausmacha? Ja ja, wer dat do scho Na song. Aber moi so gfrogt, kennan`s sich an de kloana Sachan ah no ärgern? Ma muass sich doch an de kloana Sachan no ärgern kenna. Leut ärgern sich an de größten Sachan. Die größten Ärgernisse, do haun`s drauf rum, do is jeder da Held. Aber im kloana, do is dann ois wurscht, do song`s, egal, soi doch jeder macha wos er wui, Hauptsach ma hod sei Ruah und freut sich an de kloana Sachan. Nebendro ko d`Welt untergeh. Kloa kloa fangt`s oh, drum es is garned weit weg. Ärgern Sie sich ruhig moi wieder über de kloana Sachan bevor`s groß wern, do müassn`S aber Größe ham. Verwechseln`S as ned mit am Grantler, der sich über ois aufregt. Über de kloana Sachan muass ma sich ärgern kenna.
