Ganz in meiner Welt Ganz in meiner Welt do schaut`s so garned anders aus wia in so vielen Welten wo so ganz Andere dahoam sand. Ganz in meiner Welt do draht sich so vieles um Alltägliches wo jeder kennt der so a alltägliches Leben führt. Ganz in meiner Welt gibt`s ah Türen de zuagehn, wenn ma mei Welt umgefragt betritt. Ja do ko`s passiern, dass ma sich in meiner Welt garned wohlfühlt. Ganz in meiner Welt do gibt`s de Ecken wo`s moana datn, is des der den ma kennt und so kennt ma sich ab und zua doch ned so wia ma denkt. Ganz in meiner Welt do hob ih des mir gegebene Talent und nur ih in meiner Welt ko mit dem Talent umgeh. Du in deiner Welt kost gern moi Gast in meiner sei.
