Wen kennt ma no? Ja wen kennt ma no? Ma hod olle kennt und jedn mit Servus grüaßt. Ja wenn ma lang scho nimmer do war, quasi aus`m Stammgast a äußerst seltener Gast gworn is, schaut ois ganz anders aus. Sand nimmer de selben de song, wos derf `s denn sei? Und selbst des ham`s gar ned song müassn. So wia ma ollweil do war so hod ma ollweil des selbe ghabt. Wen kennt ma no? Do der, do den, aber der do hod nia groß wos gsogt, der war hoid do. Ma hod den Blick verlorn. Es kannt ja sei, dass olle de jetzt do sand sich denken, der do ih moan mi, der war ah no nia do, a Neuer. Wenn er jedn Tag kamat? De do wissen`s ned, ih war ah Stammgast, aber jeder Stammgast hod ah sei Zeit und ih dat`s scho wieder kenna.
