I bieag ums Eck, de Hoffnung is groß, in da Nei-baugoss'n is heite nix los. I bin optimistisch, i hob des im G’füh, dass i an Plotz kriag, genau wo ihn wüh. Do vorn is a Luck'n! Na... Nur a Radl-Weg, dahinter a Schanigort'n, a hötzana Steg. Söbst Mei Geheimtipp in da Nebn-Gossn, is jetzt a Lode-Zone, mi hod's glick valoss'n! Rundn, um Rundn, wia im Ringl-gspüh. A Platzal für's Kraxal is ois woß I wüh. Nirgends a Luck'n, ollas bumm voi. und hinta Mia hup'ns weu i nua Roi. Kanne viea Meta, ois besetzt oder zen'g. Jo, ois besetzt oder zen'g, Fia mei Woog'n-län'g. Durt geht ana zu an Audi, er sperrt auf, i bleib steh, mein Blinker, der klackert Herschofft, is des schee! Doch er raamd nur wos aus, schaut mi deppat au, und geht wieder weg... wos fia a grausauma Mau! Durt vurn wär wos frei! A Aunrainer-plotz! De Verführung is groß, wia a verbotener Schotz. Doch i waß, des wird teia, de Parksheriffs lauan. Oiso greiß i hoid weida, es kaun nimma laung dauan! Rundn, um Rundn, wia im Ringl-gspüh. A Platzal für's Kraxal is ois woß I wüh. Nirgends a Luck'n, ollas bumm voi. und hinta Mia hup'ns weu i nua Roi. Kanne viea Meta, ois besetzt oder zen'g. Jo, ois besetzt oder zen'g, Fia mei Woog'n-län'g. Herrgott im Himmel, Schau owa auf mi. Mia hüft nur a Wunda, Bitte-gorsche, erborm di! Geh ob heit in de Kirchen, jeden Sundoch, i schwör zünd a Kerz'l fia di au, oiso be-end mei Malör! I wea jed'n dog bet'n, des vasprich i dia! I foa sogoa zum Humana, und spend mei Ansa Panier, DO VORN! -Des is es!- Endlich a Schauß ... a Haus-Einfahrt! Sakra, glei zuck i aus! Rundn, um Rundn, wia im Ringl-gspüh. A Platzal für's Kraxal is ois woß I wüh. Nirgends a Luck'n, ollas bumm voi... Und plötzlich... a Wunda. A Es-you-wie blinkt. Er foard aus da Luck'n, de Erlösung, sie winkt! I schlupf eine wia a Aal, gfrei mit wia a klan's Kind, oba hoid nua so laung, bis I en Hock'n find. I greu aus'n Bo-lid'n, i hob's gwußt, i hob's gschpiert, doch daunn siach i a Tafal... und mei lächln gefriert. Drehoabeitn fian 'Tatort'... „Halten und Parken verbot'n" Und wisawie steht da Toman, mim Obschlepp-Waag'l, dem Rot'n! „Oiso weida.... jetzt probier i’s in Lerchnföd... und daun foa i mim Bus Ham... Des gibt's jo ned...“ Rundn, um Rundn, wia im Ringl-gspüh. A Platzerl für's Kraxal is ois woß I wüh. Nirgends a Luck'n, Kurzparkzone übaroi! I Kauf ma a Pferd, und miet ma an Stoi! Kanne vier Meta, ois besetzt oder zen'g. Jo, ois besetzt oder zen'g, Fia mei Woog'n-län'g.
