Traumkombination Mehrschichtig träumen, des is ganz im Trend der Gsellschaft, aber in die Träume nimmt ma doch de Gsellschaft ned mit. Um des gehts jetzt ah ned. Mehrschichtig träumen, des hab ih letzte Nacht vollzogen, weil in die eigenen Träume ko ma sich ja so schlecht einmischen. Zwei Träume hab ih vor einigen Stunden de letzte Nacht ghabt, die Träume ham sich überlagert, es war mehrschichtig. Zum einen hab ih von am zuaglafanen Hund träumt, des hob ih scho moi träumt, des andere war, dass ih träumt hab, dass ih a Kollegin von na Versicherungsagentur zur Agentur hoam gfahrn hab. Was ih mir im Traum doch ned denga dat, aber in dem Traum hab ihs doch gmacht. Zuaganga is in dera Agentur, mir is ganz anders gworn und da is in dem greislichen Traum der Hund vom ersten Traum auftaucht. Die Träume ham sich überlagert. In der Agentur hams mir wos zum tringa ohboten, als ih oan Schluck probiert hab, is mir des Zeug glei wieder hochkemma. Im Traum hob ih intensiv nachdacht, nix wia weg do, grod dass sich ned gschlong ham in dera Agentur, eine unheimlich aggressive Stimmung. Da is der Hund wieder auftaucht, des war wia wenn ma von der oana zur andern Leinwand schaut. Eine Überlagerung der Träume is wos nicht Erstrebenswertes, aber des is hoid ah wos Gsellschaftliches, alles in oan Traum neipacka, ois auf oamoi effektiv durchziang. Der Hund hat wirklich nichts mit der Versicherungsagentur zu tun, aber hintereinander und ah quer denkt ma über des und des nach. Also ein gscheiter Traum, einer is doch was viel Besseres, ma kimmt ah ned so durcheinander. Die Gsellschaft kimmt oft durcheinander, weil`s so viel durcheinanderschmeißt. Soviel noch zu meim Traum, ih hob`s scho auseinanderhalten können, im einzelnen weiß ih sogar die Hintergründe der Träume. Für Erna nur soviel, an Hund dat ih meng und manche Versicherungsvertreter tun mir Leid und auch weh, auweh, auweh. Nur nicht zu viel interpretieren, denn die nächsten Träume stehen bestimmt schon an.
