Des gibt`s doch ned Des gibt`s doch ned. So des glabst ma ned, das des gibt, weil`s ned zum glam is? Des ko`s doch gar ned gebn, weil wenn`s des gebn dat, nacha müsst ma`s ja glatt glam. Aber wer könnt des beweisen? Des gibt`s doch ned und glam ko wer wos glam mecht, wos ned hoaßt, dass ma`s dann genauso glam müsst. Des gibt`s doch ned, von de Toten is no koana auferstanden. Ach, des müsst ma ah no glam? Vonwegen, des gibt`s doch gar ned. Wenn ma gstorben is fressn oan d`Würma und drum, aus Geiz de Würma dagegen, glam`s ma`s, lassen sich immer mehr Leut verbrenna. Dass du des glabst mach di suspekt, wos soll ih von dir hoitn? Do foit`s ma ja eher leicht ei z`glam, dass des ois gar ned so an Sinn hod, aber wissn ko ma`s eh ned, oder? Es gibt ja ned amoi a Wissn, dem ma no blind vertrauen könnt.
