Jetzt is ah so Jetzt is ah so, dass so is wia`s is und jetzt davo z`redn wia`s sei kannt is z`spät, do ham`s z`lang so do ois ob nix is, des war`s dann. Jetzt is ah so. Und wia geht`s weiter? Ja weiter geht`s sowieso, bloß wia`s uns damit geht. Des war`s ja. Ois des ma gredt und gredt hod und de Gscheidn gsogt ham, wos redst denn, des versteht ma doch ned. Ja de wos verstandn ham ham`s jetzt ois verstandn, de ah no selbst schuid sei soin, dass jetzt so is wia`s is. Kopfstand, ois umdraht, ois verdraht. Jetzt is ah so und jetzt, nacha jetzt wia geht`s weiter? S`geht weiter mit und ohne uns. Jetzt sand ma no dabei und ob`s so bleibt, ja des is de Frage, ob mia des doan wos richtig und wahr is, des ko ma ned wissen.
