Mehr oder weniger Mehr oder weniger… Sie sogt ja, oft wär weniger mehr. Mehr oder weniger hod`s Recht, aber mehr geht hoid ned. Sie moant ja, wenn`s des Wenige ned verstehn, wos soin`s dann mit dem Mehra ohfanga? Mehr oder weniger hod sie Recht. Aber wos macht ma, wenn ma ned mehr oder weniger des macht, wos ma mehr oder weniger ko? Mach erst moi des. Sie moant, mehr oder weniger, überhaupt kimmt`s auf`n Inhalt oh. Recht hod`s und davo ko ma mehr oder weniger ham. Wos song jetzt do Sie dazua? Ja mehr oder weniger…, wahrscheinlich des selbe.
