Krieg Pro fünf Sie, ih kaff ma jetzt dieses Fernsehpackerl mit diesem Rekorder. Sie wissen schon, dieses Kauffernsehen, ih mecht unbedingt dabei sein. Ma hod mir gsagt, dass de Liverechte so sauteuer sand, dass de vom Ersten, Zwoaten und Dritten nur knapp drüber berichten wern. Sie, ih mecht des so richtig genießen, ih mog ma des so Megamäßig reinziehn. So live, verstehn`S, ma hod ma ja ah no gsagt, de schrauben sich de Kamaras hinten und vorn drauf, so direkt, verstehn`S, so wia bei dene Rennautos, so unmittelbar dran sein, an jeden Schepperer aus nächster Nähe miterleben. Oh, oh des interessiert mi scho narrisch. Mei Meinung zu diesenm Konflikt do unten hob ih gewiss, des is hoid wia Silvester, ma lasst`s hoid trotzdem kracha und frisst Chips dazua. Ach ja und wenn diese Raketen umanandakrachan ko ma sogar besinnlich wern. De Raketen wenn aufleuchten, so live moan ih, des macht wos her, aufregend, do mecht ma halt einfach dabei sein, auch wenn zigtausende Kilometer da zwischen uns und dene dazwischen sand. Für an gscheiden Actionfilm im Kino zahlt ma doch ah. Aber des do is doch dann echt, ned so aus tausend und oana Nacht. De kannt`n des doch scho in oana Nacht ziemlich zur Wüstn macha, mei bin ih scho gspannt, wos ois Neues zum Kracha gibt. Do derf ma gar ned z`lang nochdenka, am End is des Kastl ausverkauft und ih müsst mir des zammagschnittn in dene stark verkürzten Nachrichtn ohschaun. „Krieg Pro Fünf“ soll`s hoaßn, ham`s gsagt, gar nicht teuer soll`s ja sein. Sie, mir datn sogar dieses Zusatzprogramm no nehmen, des gibt`s in diesem besonders günstigen Doppelinfopackerl „Armes Europäisches Bleichgesicht“. Na wir wollen dann scho lieber im Doppelpack des mit dem „Euro du“ des Kanalkastl, weil des gibt dann die Kommentare dazu, genau zum „Krieg Pro Fünf.“ De amerikanischen Sender ham`s uns doch zwickt, hat wer gsagt, „Zwickt Eins,“ de wollen uns diese Achse des Bösen als amerikanisch verkaffa. Wissen`S was, seien`S nicht geizig, „Krieg Pro Fünf“ ist nicht so teuer wia ma moanat, andere zahln mit eahnan Leben, und Autos wern wahrscheinlich danach immer no mit Benzin fahrn.
