Da Asylantenbauer Ah wos, a bleds Dahergred, ih red ned nur, ih dua ah wos. Ja ih hob vui Wissn, des brauch ih weil ih vui Rindviecher hob und de brauchan des Gras. Ja jetzt werds ah weng eng mit dem Gras, aber ih steig eh um. Oder moanst ih mog mi zwecks meine Rindviecher als CO zwoa Sünder schimpfa lassn? Is eh ah ah Schmarrn, aber glabt werds hoid nu moi. Na ja ih hob mi jetzt auf an andan Anbau spezialisiert und des rentiert sich, des rentiert sich sowos von, do ko koa Rindviech mithoitn. Ih bau quasi Asylanten oh, guad, dir sog ih des... Zu de andern sog ih, ma muass doch helfa. Dene werd scho weiterghoifa. De Wiesn neban Stockerlberg zum Heiligen Kreuz, do hob ih de Zelte aufstelln lassn, besser gsagt, de sand subventioniert aufgstellt worn. Sog ma moi oana wo ma schneller ernten ko ois mit dene Asylanten. Ih lass mi do auf koa Diskussion ein, auf gar koane des politische mog ih eh ned. Warum, weshoib de do sand, des geht mi rein politisch garnix oh, nur geschäftlich, versteh ma uns. Mei Frau hod scho gsogt, wärn des ned nur lauter Mannsbuida, kaum Frauen, ma kannt song des is so ah CVJM-Verantstaltung. Na na, des sand ja meist ois junge Moslems. Christlicher Verein Junger Männer, de ham nacha Kirchenasyl, hod ma da Stollenberger Karl von der Christlichen Sektn, oda Kirch gsogt. Der Stollenberger is ned moi katholisch, ah ned evangelisch, wos soi denn des überhaupt sei? Wias ah is, des rentiert sich, ma ko scho davo lebn, ih hob doch no so a Mietshaus am Ortsrand, ja do ghört einiges renoviert, aber wennst in na Strohhüttn glebt host, dann is doch des First Class. De Mietn wos des Amt zoiht des zoiht doch ah Hiasiga nia. Wos garned so hinhaut is de Mülltrennung, ah wos Schwamm drüber, s`Amt zoiht ois, des werd hoid nachher trennt. Sie, mir hod garnix Bessers passiern kenna, an so ah Einnahmequelle hätt ih mei Lebn lang ned denkt. Leise, sogs ned weiter, war nötig, ih mecht ma doch den neuen Siebna kaffa, ah Hammer Auto des kost hoit, do kemman diese Subventionen grod recht.
