Gratismut Jetzt ham`S eahna ned so, nur Mut, ganz vui Mut, zoang`S moi wos Sie denkn, zoang`S Mut, ham`S Courage, hoitn`S dagegn. Aber bitte, wos is des für a Mut, wenn`S nur des ungeprüft nachplappern wos ma Eahna von morgens bis abends öffentlich anerkannt vorplappert. Packan`S Eahnan ganzn Mut, den Gratismut, der gar, ganz und gar nix kost. Des haoßt, es werd Eahna scho wos kostn, ah wos, denkan`S jetzt no ned dro. Jetzt sand`S moi lautstark dafür, bitte jetzt, jetzt schaut ja jeder wos Sie für an Mut ham. Es ko vom Kopf her garned z`bled sei, ham`S Mut, nur ned nochdenkn, Mut beweisn und no oans drauf, schaltn`S ein und vor`m Fernseher oder mit der Zeitung in da Hand beweisen`S wos ma voraussetzt. Sand`S moi so richtig mutig. Soit sich rausstelln dass Sie nur mit de Wölfe gheult ham, kennan`S song, Sie ham`s ja immer gwusst, und wer Sie kennt hod hod`s gwusst, Sie warn immer scho dafür. Na dann, dann fangan`S heid oh, leng`S ab den billigen Mut der nix bringt.
