Wia`s doch passt Wia`s doch passt, des hod und ko ma doch ned planen. Wenn`s passt dann passt`s. Wer plant des scho, wer ko des ois überschaun? Und der wo moant, ois a Zufall, der hod schwer verkennt, dass oana hinter der Bühne des Lebens steht der letztendlich ois in seiner Hand hoit. Wia`s doch passt, wenn ma ned an Zufälle glabt und Gott den Raum gibt, den er uns doch erst ermöglicht. Oiso er gibt Raum und Zeit und glücklich macht`s, des zu erkenna, dann passt`s ah wenn ma moant, wos soi des jetzt, des passt ma garned, es is doch ois Andere ois ih woit. Ja mei, es passt scho, ah wenn ma des Ganze wia´s ah passt no ned sehgt. Im Kloana is ma froh, wenn ma wia bei am Puzzle des fehlende Teil neisteckt, passt und wia`s passt. Des is Glück, mit Gott des Passt scho zu dalebn.
