Supreme Praise of the Saṅgha [Handa mayaṁ saṅghābhigītiṁ karomase] Saddhammajo supaṭipatti-guṇādiyutto Yo’ṭṭhabbidho ariyapuggala-saṅgha-seṭṭho Sīlādidhamma-pavarāsaya-kāya-citto Vandām’ahaṁ tam-ariyāna-gaṇaṁ susuddhaṁ Saṅgho yo sabba-pāṇīnaṁ saraṇaṁ khemam-uttamaṁ Tatiyānussatiṭṭhānaṁ vandāmi taṁ siren’ahaṁ Saṅghass’āhasmi dāso/dāsī va saṅgho me sāmi-kissaro Saṅgho dukkhassa ghātā ca vidhātā ca hitassa me Saṅghass’āhaṁ niyyādemi sarīrañ-jīvitañ-cidaṁ Vandanto’haṁ/Vandantī’haṁ carissāmi saṅghassopaṭipannataṁ Natthi me saraṇaṁ aññaṁ saṅgho me saraṇaṁ varaṁ Etena sacca-vajjena vaḍḍheyyaṁ satthu-sāsane Saṅghaṁ me vandamānena/vandamānāya yaṁ puññaṁ pasutaṁ idha Sabbepi antarāyā me māhesuṁ tassa tejasā (Bowing) Kāyena vācāya va cetasā vā Saṅghe kukammaṁ pakataṁ mayā yaṁ Saṅgho paṭiggaṇhātu accayantaṁ Kālantare saṁvarituṁ va saṅghe
