Schneid des raus - zur Sendung geht`s - 17.08.2015

Schneid des raus - zur Sendung geht`s
So, sand ma bereit?
Sie sand oiso der boarische Dichter?
Ah ha.
Und Sie soin an der Diskussion "Bayern wohin?" teilnehmen?
Wos ham Sie oiso da zu song.
Song ma`s moi soi,
mia gehn jetzt moi des durch wos Sie ned song dürfen.
Dürfen, Sie verstehn, es gibt gewisse Sprachgrenzen de mia ned überschreiten.
Um Gottes Willen,
davon kenna mia ned redn,
des müassat ma sofort rausschneiden,
des derf ma so heut scho lang nimmer song.
Wer bitte?
Ein Doktor Alfons Pröbstl?
Mia sand do im regionalen Staatsfernsehn.
Song mia so nia, aber Sie wissen ja, do sand mia dahoam.
Oiso weiter im Text, sie woin über de Amerikaner...
Nein, des song mia auch ned.
Wos hätt des ah mitnander z`doa?
De Amis woin mit uns mehr handeln und des Abkommen, de Idee dazua stammt von unserer...
Wos ned song, aber des song mia ah ned,
davon koa Wort.
Mia ham do scho a paar Sendungen mit sehr kompetente Fachleut ghabt und da Tenor war,
de Amis woin`s und uns werd ned vui gnuag drüber sgogt, damit is ois gsogt.
Vonwegen unsere Kanzlerin hod des ohgschobn und wui`s unbedingt.
Wia gsogt,
des Thema is durch, na des sand koane Blendgranatn
und überhaupt fehlt Eahna doch eindeutig des Expertenwissen.
Jawohl, ih bin dafür dass ma durch des Abkommen mehr Auswahl an Chipssorten und genauso mehr Cola-Pop-Drinks kriang.
Wasser, Wasser, ned bös sein,
a bisserl mehr Frische am Markt tät ned schaden.
Wasser, na und privat und vom Markt reguliert,
zahlt ma hoid den tatsächlichen Wert.
Sonst plärrn`s doch ah,
de Milch is zu billig, de Wurst is zu billig, des Grünzeug sowieso.
Und wos is mit der Qualität?
Der Preis is es, Schluss, anderes Thema.
Sehr gut, auf meinem Zettl steht Kunst.
Na oiso, do ham ma a Thema wo ma uns entspannen kenna.
Bayern und Kunst, wos verstehn Sie jetzt und vor allem wohin?
Na na, ned scho wieder, geht`s amoi ohne, dass ih sog,
des is ganz anders?
Es is doch logisch, dass mia von de
Öffentlich-Rechtlichen nur des bringan
wos quasi ned dem Auftrag widerspricht.
Wenn Sie jetzt moana, zum Beispiel schreibend den Kirchen zu widersprechen und gleichzeitig mit erhobenem...
Aber so wirkts, song Sie und so sollte es sein,
dann sand Sie vom Boden der Toleranz und Akzeptanz sowos von schnell weg, do is ein Wegbeamen ein mittelfristig langes Unterfangen.
Is scho recht,
Sie derfan ja Eahnan Glauben ham und leben wia Sie woin, aber des is gar koa Kunst und wia ih grad hör, für Sie gar koa Thema.
Denn mir werd grad zugetragen,
ein früherer Intendant unseres Hauses
hat Ehna moi gschrieben,
dass ma Sie ned moi mehr ignoriern werd.
Warum sand Sie dann heut eigentlich da?
Ok ok, es geht quasi um eine Toleranzdemonstration, mh, jetzt werd`s eng.
Wos kanntn Sie dann überhaupt no song?
Diese illustre Runde, Sie verstehn?
Wir setzn Sie ganz rechts außen,
na na, des hod nix mit Eahnara Gesinnung z`doa.
Oiso geh ma`s nomoi durch,
Sie sand a boarischer Dichter,
der wos zum song hod, scho seit über dreißig Jahren schreibn`S.
Ohgfanga ham`S am Münchner Viktualienmarkt,
im damaligen Frühcafe "Schmoiznudl."
Um Fünfe in da Früh, um Gottes Willen.
Übrigens, Gott und Gottes Willen, sowas is a "No go",
versteh ma uns?
Do ham ma unseren Kirchenvertreter, besser gsagt Glaubensvertreter der Weltökumene der Religionen.
Oiso Dichter, na na, ned nur einfach dositzen, einfach nur hinsetzen is ned, song`S hoid wos, der meinungsbefreite Zuschauer erwartet sich des.

3390/7500

Schneid des raus - zur Sendung geht`s So, sand ma bereit? Sie sand oiso der boarische Dichter? Ah ha. Und Sie soin an der Diskussion "Bayern wohin?" teilnehmen? Wos ham Sie oiso da zu song. Song ma`s moi soi, mia gehn jetzt moi des durch wos Sie ned song dürfen. Dürfen, Sie verstehn, es gibt gewisse Sprachgrenzen de mia ned überschreiten. Um Gottes Willen, davon kenna mia ned redn, des müassat ma sofort rausschneiden, des derf ma so heut scho lang nimmer song. Wer bitte? Ein Doktor Alfons Pröbstl? Mia sand do im regionalen Staatsfernsehn. Song mia so nia, aber Sie wissen ja, do sand mia dahoam. Oiso weiter im Text, sie woin über de Amerikaner... Nein, des song mia auch ned. Wos hätt des ah mitnander z`doa? De Amis woin mit uns mehr handeln und des Abkommen, de Idee dazua stammt von unserer... Wos ned song, aber des song mia ah ned, davon koa Wort. Mia ham do scho a paar Sendungen mit sehr kompetente Fachleut ghabt und da Tenor war, de Amis woin`s und uns werd ned vui gnuag drüber sgogt, damit is ois gsogt. Vonwegen unsere Kanzlerin hod des ohgschobn und wui`s unbedingt. Wia gsogt, des Thema is durch, na des sand koane Blendgranatn und überhaupt fehlt Eahna doch eindeutig des Expertenwissen. Jawohl, ih bin dafür dass ma durch des Abkommen mehr Auswahl an Chipssorten und genauso mehr Cola-Pop-Drinks kriang. Wasser, Wasser, ned bös sein, a bisserl mehr Frische am Markt tät ned schaden. Wasser, na und privat und vom Markt reguliert, zahlt ma hoid den tatsächlichen Wert. Sonst plärrn`s doch ah, de Milch is zu billig, de Wurst is zu billig, des Grünzeug sowieso. Und wos is mit der Qualität? Der Preis is es, Schluss, anderes Thema. Sehr gut, auf meinem Zettl steht Kunst. Na oiso, do ham ma a Thema wo ma uns entspannen kenna. Bayern und Kunst, wos verstehn Sie jetzt und vor allem wohin? Na na, ned scho wieder, geht`s amoi ohne, dass ih sog, des is ganz anders? Es is doch logisch, dass mia von de Öffentlich-Rechtlichen nur des bringan wos quasi ned dem Auftrag widerspricht. Wenn Sie jetzt moana, zum Beispiel schreibend den Kirchen zu widersprechen und gleichzeitig mit erhobenem... Aber so wirkts, song Sie und so sollte es sein, dann sand Sie vom Boden der Toleranz und Akzeptanz sowos von schnell weg, do is ein Wegbeamen ein mittelfristig langes Unterfangen. Is scho recht, Sie derfan ja Eahnan Glauben ham und leben wia Sie woin, aber des is gar koa Kunst und wia ih grad hör, für Sie gar koa Thema. Denn mir werd grad zugetragen, ein früherer Intendant unseres Hauses hat Ehna moi gschrieben, dass ma Sie ned moi mehr ignoriern werd. Warum sand Sie dann heut eigentlich da? Ok ok, es geht quasi um eine Toleranzdemonstration, mh, jetzt werd`s eng. Wos kanntn Sie dann überhaupt no song? Diese illustre Runde, Sie verstehn? Wir setzn Sie ganz rechts außen, na na, des hod nix mit Eahnara Gesinnung z`doa. Oiso geh ma`s nomoi durch, Sie sand a boarischer Dichter, der wos zum song hod, scho seit über dreißig Jahren schreibn`S. Ohgfanga ham`S am Münchner Viktualienmarkt, im damaligen Frühcafe "Schmoiznudl." Um Fünfe in da Früh, um Gottes Willen. Übrigens, Gott und Gottes Willen, sowas is a "No go", versteh ma uns? Do ham ma unseren Kirchenvertreter, besser gsagt Glaubensvertreter der Weltökumene der Religionen. Oiso Dichter, na na, ned nur einfach dositzen, einfach nur hinsetzen is ned, song`S hoid wos, der meinungsbefreite Zuschauer erwartet sich des.

0/500