Bewahrn ma`s uns Von do, do dahoam, do bin ih dahoam. Wenn`s so gmoant is, dann bewahrn ma`s uns, lass ma`s uns ned ausredn oder weggwohna. Bleim ma moi stur dabei, do bin ih, so red ih, so leb ih, ja so denk, fühl und glab ih. Beherzig ma doch moi wieder deutlich wer mia sand und wer ma garnia ned sei woin. Bewahrn ma´s uns, dann sand ma bekannt als de, de ma hoid sand. Und de kanntn ah wieder wer sei, wo mia anerkennend song soitn, des sand de und mia sand mia.
