Wenn ma koa Geld hod Wenn ma heut koa Geld ned hod, is ma heut koana. No nia war ma oana, wenn ma koa Geld ned hod. Geld hoaßt Macht, sich des wos ma Freiheit nennt kafa z`kenna. Wenn ma heut koa Geld ned hod, is d`Welt kloa und de werd kloana wenn ma no weniger hod. Ma sogt, bei de ganz Kloana ned umasonst „Zum Leben z`wenig und zum Sterben z`vui.“ Wenn ma heut koa Geld ned hod, is ma a arms Luada. Wo ma ah lebt, Geld regiert de Welt und ih glab, des ham vui no gar nia so glabt wos`s jetzt auf oamoi wia a Ah ha-Erlebnis dalebn. Geld regiert de Leut und ma kannt gschert song, wer koa Geld ned hod, ko ah vom Geld ned regiert wern. D`Regierung glangt scho, wenn ma heut koa Geld ned hod, is ma heut arm dro und de von da Regierung nehman oan dafür ah no auf `n Arm.
