Die perfekte Bewerbung Bewerben soll ih mi, perfekt sogt ma mir. Biachal gabats grod gnuag, nur ih soi als der blitzen und blinken, als der ideale Bewerber. Wos is denn, wenn de andern de selben Biachal glesen ham? Oiso ih bewirb mi, Klarsichthüllen und Mappaln hob ih scho, mir wern dene scho song, wer ma sand. Boarisch soi ma ah ned reden, des steht nicht so guad oh. In dene Biachal steht ja so viel schlaues Zeug, genauso schlau sand`s dann ah in dene Firmen, lauter perfekte Mitarbeiter. Ih bewirb mi scho und des so wia ih mir des denk, hörn sie hoid weg, ih sogs Erna ganz ungeschminkt, de kennan mir an Buckl kreuz und quer oberutschen, an andern ois mi selber ko ih ned bieten.
