Weisch was isch krass? Mir händ meh Möglichkeite als je zuvor. Und trotzdem meh Angst, eus für eine Mensch z'entscheide. Vielleicht hämmer nöd verlernt, Mensche z'finde. Vielleicht hämmer verlernt, z'blibe. Alli händ Optione, alli halted irgendwo e Tür no offe. Will hinter em nächste Swipe chönnt öpper warte, no schöner, no schlauer, no bitz weniger kompliziert. Also spieled mir cool. Schriib nöd z'schnell. Zeiged nöd z'viel. Als würd Nähe ihre Wert verlüre, sobald mer ehrlich seit: «Hey, du bedeutisch mir öppis.» Ghosting. Situationship. «Mal luege, was passiert.» Mir chönd zäme schlafe, aber nöd über Zuekunft rede. Chönd eus vermisse, aber wehe, öpper nennt's Liebi. Mir sueched de perfekte Mensch und verlerned, öpper z'liebe. Dua dashuri, por jo një burg. Dua liri, por jo vetmi. Dua besim. Dua besnikëri. Jo sepse duhet... por sepse të zgjedh. Nuk dua një plan rezervë. Nëse të dua, të zgjedh ty. Me dashuri, me besim, me besnikëri. Jam e lirë... dhe prapë të zgjedh ty. Und denn säged sie: «Früener händ d'Lüt no Wärt gha.» Aber ich will nöd zrugg. Kei Tradition, wo mer bliibt, obwohl mer kaputt gaht. Kei Treui nur us Angst. Kei Familie nur us Zwang. Keis «Was dänked d'Lüt?» wenns denn halt verbii isch. Aber ich will au nöd gad alles wegwerfe, nur will's alt isch. Will mer eus jetzt kennet. Denn was isch falsch dra, zu sim Wort z'stah? Was isch falsch dra, für öpper Verantwortung z'überneh? Vielleicht müemer nöd wähle zwüsche Tradition und Moderne. Vielleicht müemer wähle, welchi Werte mir mitnehmed. Freiheit ohne Verantwortung wird irgendwann Einsamkeit. Und Commitment heisst nöd: «Ich weiss, dass es für immer funktioniert.» Es heisst: «Ich weiss es nöd. Aber ich mein's ernst.» Mir reded über Standards, aber selten über Pflichte. Läschtered über Red Flags, aber nöd über die eigene Makel Über Boundaries, aber nöd über Kompromiss. Über Selbstliebi, aber selten über die Frag: Was für en Mensch will eigentlich I sii? Bin ich ehrlich, wenn d'Lüg einfacher wär? Bin ich treu, wenn's niemert erfahre würd? Zeig ich Respekt, wenn ich wüetend bi? Werte sind nöd das, wo mer postet. Werte sind das, wo übrig bliibt, wenn's öppis kostet. Treui het erst Wert, wenn du au chönntisch gah. Und Liebi het Tüfi, wenn du frei bisch... und trotzdem bliibsch. Dashuri. Besim. Besnikëri. Liri. Nuk dua një plan rezervë! Kei Backup-Plan! Të zgjedh ty! Ich wähl dich! Me besim! Mit Vertraue! Me besnikëri! Mit Treui! Me liri! In Freiheit! Freiheit isch nöd, immer chönne z'gah. Freiheit isch, chönne z'blibe und z liebe Të zgjedh ty. Kei Backup-Plan.
