
[Verso] Se you fur babil de falar todas las lhénguas de ls homes i de ls anjos i nun tubir amor, las mie palabras son cumo l tocar d'un campano ó l rudo d'un chocalho. Se you tubir l don de declarar la palabra de Dius, de coincer ls sous mistérios i souber todo; i se you tubir ua fé babil de mudar las muntanhas i nun tubir amor, nun balgo nada. Inda que you deia an lhimuornas todo l que ye miu, se me dexar queimar bibo i nun tubir amor, de nada me sirbe. L'amor ye pacente i prestable. Nun ye ambeijoso. Nun se gaba nin ye argulhoso. L'amor nun ten malos modos nin ye eigoista. Nun se eirrita nin pensa mal. L'amor nun se alegra cuna injustiça feita a alguien, mas alegra-se cula berdade. L'amor aguenta todo, acradita siempre, spera siempre i sofre cun pacéncia. L'amor ye eiterno. Las profecies deçaparécen; las lhénguas treminan; l coincimiento passa. Pois tanto las nuossas profecies cumo l nuosso coincimiento son amperfeitos. Quando chegar aqueilho que ye purfeito, todo l que ye amperfeito deçaparécio. Quando you era nino, falaba cumo nino, sentia cumo nino i pensaba cumo nino. Depuis quedai adulto i dexei l modo de ser de nino. Agora bemos las cousas cumo nun speilho i de maneira cunfusa. Naquel die, bamos bé-las face a face. Agora l miu coincimiento ye amperfeito, mas naquel die bou coincer cumo Dius me conhence a mi. Agora eisisten trés cousas: fé, sperança i amor. Mas la mais amportante ye l'amor.

