½ Meter Wurst (Augsburger Wurst) - 01.12.2010

Halber Meter Wurst do in Augsburg gibt``s an hoibn Meter Wurst Leut gibt`s, de essen an hoibn Meter Wurst. An hoibn Meter, und de schaffan des ah no. Ih woaß scho, des is wurscht und de ganz Wurschtigen song, des is mir sowos von wurscht, des interessiert mi so vui wia wann in Chicago a Radl umfoit. Nomoi zur Wurst, sauguad und ih woaß ned moi, ob`s von da Sau is, is ja ah wurscht. A hoiba Meter, so a hoiba Meter, Auge moi Pi und scharf war de. Scharf in da Kältn schafft Wärme sogt sie, zwar im Mogn scho, in de Händ aber ned. A hoiba Meter Wurst und des in na Semmel, des hätt ih ned glabt, ma glabt`s ja ned bis ma`s selber gessn hod. Mir kimmt`s vor als hätt ih an hoibn Meter Augsburg gessn. Gschmeckt hod`s.