Stund und Tag Stund und Tag vergeht und glaub ih, der Tag is no so lang, er vergeht und ih glab`s kaum wia schnell s`doch geht. Is da Tag no so lang, de Zeit mecht ih manchmoi ohhoitn, mecht mi hileng, Musik ohhern oder nur nachdenkn. De Zeit soit steh bleim und nacha mecht ih no so vui doa. Ois braucht Zeit. Ih zähl manchmoi de Sekunden, reih sie zu Stunden zamma und am Abend stell ih fest, wo is da Tag nur higanga? Ih denk an de Stunden in der Überlegung wos ih ois doa woit und de Zeit is ausganga. Aber verlorn hob ih nix, weil dann denk ih ma, in Raum und Zeit is des so, dann denk ih an die Ewigkeit und vergiss dabei Stund und Tag.
